四條河原町 - 京都站乘205號巴士約10分鐘就到。

京都最熱鬧地帶、面積頗大、滿佈食店、手工藝品店、特產店、商店街、及百貨公司、包括大丸、阪急、高島屋及走年輕路線既 OPA等。真係行 3 , 4 個鐘頭都行唔晒架！

呢度既食店都好有日本古典特式、不過價錢頗昂貴。試過一間位於河邊既火鍋店、一邊食一邊可以透過落地窗欣賞河邊景色、好正！

四條河原町一帶既商店營業時間至九時左右架！

01/02/07 年去過。

商店街

呢區有好多商店街、規模好大、好似較出名既新京極通商店街 (左圖)、商店種類繁多、尤其是手工藝品店、而且整條街係全天候設計、落雨都唔怕。

花見小路 (下圖)

"八阪神社"前面，四條通側邊的橫街，兩傍是舊式日本房屋，地下是舊式食肆，晚上"舞妓"會在這些夜店表演舞蹈。

由花見小路一直行可以到"祇園歌舞練場"欣賞舞妓 / 茶道等表演，每場約一小時。

祇園 web site