清水寺 - 京都站乘206號巴士 (約10分鐘) 於清水道下車、沿清水板步行上山、約15分鐘就到。

清水寺 - 世界文化遺產，建於音羽山上、係京都名寺、遊客極多、非常熱鬧、從寺內遠眺、可以欣賞京都全景、寺內亦有好多供遊人祈福、許願既地方架！包括..

掌印石頭 - 位於入口售票處對面、只要摸下石頭上既掌印、就會帶來好運咁話！

主殿 (左圖) - 可以在這裡求番枝好籤。(下左 - 售票處門口)(下右-地主神社內)。96/01/02/07/08去過。

地主神社 (左圖)

位於主殿後面、係專供遊人祈求姻緣既神社、在日本非常出名、好多年輕男女都慕名而來、內有一對名為"戀之占石"、分便放於小路兩端、如果你閉上眼後能由其中一瑞行到另一端捉摸石頭、姻緣就會來臨咁話！

願望板

只要購買一塊願望板、把願望寫下、就可以掛於寺內架喇！

下圖 - 戀之占石

三條泉水 (右圖) - 從主殿平台向下望、會見倒好多人排隊飲泉水、呢3條泉水分別代表美麗、健康及財富、但只可選擇飲其中2條、如果飲晒3條、就 3 樣都冇咁話！

不過我都唔知點分別呢 3 條泉水架！

清水寺茶寮 (下圖) - 位於三條泉水隔鄰、有靚茶及小素食、包括烏冬、紅豆糕、山水豆腐等。其中山水豆腐一定要試下、600日圓又好味又有特式！

清水寺 - 夜之特別拜觀

清水寺在春、夏、秋的少部份日子會同時在夜晚開放給遊客參觀，時間大約由 6:30p.m 開始 到 9:30p.m。(可參考清水寺 web site)

要買夜間入場券才可進入。

07年4月去過的那次夜遊，遊客非常多，不過寺院內的茶寮 / 地主神社 / 願望板都沒有在夜間開放。寺院在射燈及櫻花盛開襯托之下，感覺非常之靚，夜晚欣賞櫻花另有一番味道，

寺外的手信街，大約有三分之一延長營業時間配合夜間特別參觀。